ഒരു നിശാശലഭം
ഇരുട്ടില് നിന്നും അവനവനെ തിരിച്ചറിയാന്
വെളിച്ചത്തിന്റെ ഒരിറ്റിനായി അലഞ്ഞു തിരിയുന്നവള്.
തന്റെ വെളിച്ചം പലര്ക്കായി പങ്കുവെയ്ക്കുന്നവള് .
തന്റെ വെളിച്ചം പലര്ക്കായി പങ്കുവെയ്ക്കുന്നവള് .
പൂവിനെ തിരയാതെ പൂങ്കാറ്റു നുണയാതെ
ഇരുട്ടിന്റെയുള്ളില് പ്രണയം നിറച്ചവള്.
എഴുതാതെ പോയൊരു ചരിത്രപുസ്തകത്തിലെ
മെഴുകു പോലുള്ളൊരു ചക്രവര്ത്തിനി.
ചക്രവാളങ്ങളില് സന്ധ്യ പുലരുമ്പോള്
സ്വര്ഗകവാടങ്ങള് തേടി യാത്ര തുടരുന്നവള്
പകല് വെളിച്ചങ്ങളില്,പ്പാതിയുരുകുന്നവള്.
നേരിന്റെ കണക്കു പുസ്തകങ്ങളില്
എന്നും നിശ്ശബ്ദതയെഴുതി നിറയ്ക്കുന്നവള്
നോവിന്റെ താരാട്ടു മാത്രമറിയുന്നവള്
കാലപ്രവാഹങ്ങള്ക്കപ്പുറം കണ്ണുള്ളവള്
ഇരുട്ടില് ജീവിച്ച് പ്രകാശത്തില് മരിക്കാന്
തളരാതെ പറന്നിറങ്ങുന്നൊരു വെളുത്ത നിശാശലഭം
പകല് പോലെ വിളര്ത്തവള്
ഇരുള് പോലെ നിറഞ്ഞവള്
ഇരുട്ടിലേയ്ക്കെത്തി നോക്കുന്ന ഒരു നിശാശലഭം.
No comments:
Post a Comment